Hai homes que loitan

Rating:	★★★★★
Category:	Other

Hai homes que loitan un día e son bós. Hai homes que loitan un ano e son mellores. Hai quen loita moitos anos e son moi bós. Pero hai os que loitan toda a vida: eses son os imprescindibles. Bertold Brecht

Música Galega, danza e cantares - Galician music, dance and singing

Rating:	★★★★★
Category:	Music
Genre:	Folk
Artist:	Tradicional

Impresionantes seleccións de http://es.youtube.com/user/papigil

Arte e beleza

Robert Crumb ( Filadelfia, Pensilvania, 30 de agosto de 1943) é un artista e ilustrador estadounidense. Foi un dos fundadores do cómic underground e é cecais a figura mais destacada de dito movimento. Ainda que é un dos mais coñecidos autores de cómic, a sua carreira se desenvolveu sempre ao marxe da indústria. (wikipedia)

Inventouse o racismo informático!!!!

Fonte: Código Cero, diario tecnolóxico de Galiza.
Racismo informático? Discriminación de sistema operativo? Un servizo de atención ó cliente que fai exactamente o contrario do que teoricamente debería facer? Segundo informa estes días The Inquirer, habería un pouco de todo iso no caso dun usuario da cadea británica PC World que quixo que lle amañaran o computador portátil logo de detectar un problema físico no seu equipo, que (hai que dicilo) foi mercado cinco meses antes nese mesmo establecemento. O cliente, que fixo o que probablemente teríamos feito todos os seres máis ou menos humanos deste mundo se detectáramos un defecto de fabricación nun produto adquirido vía as canles tradicionais de compravenda (de telo afanado, xa mudaría o conto), topou co seguinte muro de pedra: o fundamentalismo de certos seareiros e provedores de Windows.
De feito, negóuselle a reparación por un simple pero determinante detalle: o usuario substituíra o Vista por Gentoo Linux. O cliente defendeu a súa postura do seguinte xeito: tratando de explicar que o problema tiña que ver coa montaxe interna do equipo e non co sistema operativo. A empresa puxo o dedo sobre o tipo de letra que máis arrepío dá neste tipo de casos: a letra pequena. Dito doutra maneira: informou que non estaba obrigada a facer reparación algunha en caso de ter detectado algún tipo de violación da garantía, e substituír un sistema operativo por outro era un caso claro de violación. Máis información sobre o caso en Slashdot e comentarios interesantes sobre o mesmo en Barrapunto.

A reconquista da Illa de Toralla

Rating:	★★★★★
Category:	Movies
Genre:	Action & Adventure

Salvemos Monteferro e as asociacions da Ría non se vende, sumaronse á convocatoria da primeira reconquista da illa de Toralla que se celebrou o Sábado día 8 as 18 horas, convocada polo colectivo Xogo Descuberto (grupo do barrio de Coia) cuxo texto convocante foi o seguinte:

O sábado 8 de setembro ás 18:00 convidámosvos a I Reconquista da illa de Toralla, coa que pretendemos reinvidinca-lo uso da illa por parte de tod@s e manifestar a nosa repulsa ás construccións feitas nela, en especial á torre. Será un acto pacífico que arrincará dende o principio da ponte, no que levaremos música e iremos con vestimenta pirata para facelo máis visibel. Animámosvos a participar, tanto pola ponte como pola auga, xa sexa en piraguas, barcas, chalupas…Un saúdo. Colectivo Xogo Descuberto

A policía desaloxa a 300 persoas que «tomaran» a illa de Toralla nun acto de protesta

Policías antidisturbios desaloxaron o sábado pola tarde da illa de Toralla a 300 persoas que invadiran esta propiedade privada.O colectivo vigués Xogo Descoberto organizara un acto lúdico e pacífico reivindicando o uso e goce público da illa, que pertence a unha comunidade de propietarios. Na concentración interviñeron membros doutros grupos como Acción Cultural A Revolta e outras asociacións como Caleidoskopio, Luar, Bouzas-Movete, GAS, Salvemos Monteferro e Verdegaia.

No acto participaron piratas, músicos bañistas, nenos e maiores. Unha vez lido o comunicado que reivindica un deslinde de seis metros ao redor da illa para uso público terminou a concentración.

Acabado o acto, un bo número de participantes entraron na illa dando un paseo. Segundo os organizadores «nese momento tres furgóns antidisturbios irrumpiron entre os paseantes de xeito totalmente inxustificabel con porras en man alzada, ofrecendo una pésima imaxe aos nenos e nenas asistentes». Segundo membros do colectivo Bouzas Móvete, unha das entidades que acudiu ao acto, algúns dos participantes recibiron «mais dun porrazo».

A filosofía do GNU Linux: Richard Stallman

Rating:	★★★★★
Category:	Movies
Genre:	Documentary

Policía local. Poñamos que falo de Nigrán.

Xa teño observado en moitos lugares que a policía local nos concellos democráticos ten moitas veces unha imaxe inda peor da que tiña na ditadura. E certo que se produciu unha certa modernización, mais lamentablemente consistiu na adopción de un "look" chulesco, con Ray-Ban ou outras gafas de sol, canto mais macarriles, mellor. Como eses policías gringos do "Midwest", que tanto medo dan nas peliculas.

E que aconteceu co seu traballo? É de supoñer que co fin da ditadura tamén cambiou. Nas cidades o seu traballo na ditadura practicamente se reducía a dirixir o escaso tráfico da época, xa que para a represión dos "vagos e maleantes" xa estaban os corpos represivos. Nas vilas non existia ese tipo de policía por ser innecesario. E hoxe son necesarios para que? Podería preguntar alguén. Dificil pregunta, eu non sei respondela.

Onde eu vivo, pouca actividade se lles coñece. Unha das suas principais funcións e posar co seu "atrezzo" mais propio de "Easy Rider" que de unha pequena e tranquila vila de 16110 Habitantes espallados en 35 km².

Outra actividade na que destacan é na persecución da mocidade de cabelo longo. Pouco importa que nos continuos rexistros a que son sometidos nunca lles encontren nada ilegal, eles ben saben que con esa pinta algo deben fumar de cando en vez, e non perden a esperanza de algún dia atopar algo. Para que tanto empeño?

Será que buscan algo que fumar gratis? non sei... pero a verdade é que parece estraña esa actitude, cando é ben sabido que hai nas veciñanzas unha discoteca onde se reune outro tipo de público, os chamados "malotes", que non levan cabelo longo, son violentos, e consumen todo un arsenal de substancias ilegais. Non é a primeira vez que hai algún morto, nas continuas liortas entre grupos rivais. Non me consta que ese local e os seus frecuentadores  recibiran Bula ou Licencia do Papa de Roma, mais eso é o que parece, xa que a impunidade parece ser total.

Non dispoño de datos dabondo para analizar en profundidade os motivos de todo o anteriormente  exposto, o que si podo decir é que, como mínimo, deberían ser estudados polas autoridades democráticas, sen esperar a que algunha traxedia o faga inevitable. Prever sempre é mellor que curar.