Rías como a de Vigo, na que se atopan en diferente fase de estudo e execución, unha veintena de proxectos portuarios, que conlevan a realización de recheos de diferente envergadura, son un desgraciado exemplo a ter moi en conta.
Todo o desenvolvemento portuario de Ría de Vigo, e polo que estamos vendo no resto do litoral galego, pasa pola realización de macrorrecheos e espigons, a base de restos de canteira, de obras civís, desmontes, escombros e un longo etcétera, material alleo ao medio mariño, que unha vez alí
depositados fan prácticamente irreversible a súa recuperación.
Agravado por que xeran unha drástica alteración do patrón de circulación hidrodinámico da zona , que conleva un cambio profundo nas comunidades biolóxicas próximas e non tan próximas, xa que debido as especiais características das Rías, os seus
efectos déixanse sentir a todo o longo das mesmas. No caso da de Vigo
con apróximadamente 33 km de lonxitude, o desenvolvemento dun só deses proxectos, como o da ampliación do peirao do Arenal, no que estaba previsto un recheo de máis de 200.000 m2, as consecuencias medioambientales da súa ejecución, tendo en conta o efecto sinérxico e acumulativo das obras xa realizadas na área, deixaríanse sentir en toda ría dunha forma catastrófica para a súa biodiversidade e productividade biolóxica.
Este tipo de actuacións conlevan xeralmente a instalación de industrias e empresas, en moitos casos non relacionados co medio mariño, que polo tipo de actividade que realizan xeran unha carga contaminante que se acaba aloxando de forma permanente nos sedimentos e seres vivos do noso litoral, tal e como o demostra o boletín anual do Observatorio Medioambiental de
Ría de Vigo, da Fundación Provigo, no que se describen procesos
tumorales en certas poboacións de mexilón salvaxe da mesma, debido á sopa de contaminantes de moi distinta natureza que se atopan na zona.
Fonte: Informe da Delegación galega do Colexio Oficial
de Biólogos no Día Mundial do Mar
Outro caso con algo que aprender, Marín
E moito mais na Escolma de informes cientificos relacionados coas Rías galegas e en particular coa Ría de Vigo (PDR Vigo)
Nenhum comentário:
Postar um comentário