No
programa Caiga Quien Caiga, de Tele5
existe unha seccion denominada "proteste ya" presentada polo
xornalista galego "Gonzo". No devandito programa sacan á luz as
queixas dos cidadáns intentando que grazas á presión mediática cheguen a bo
termino.
No programa do venres 16 a protesta afirmaba que no dicionario da Real Academia da lingua Española (RAE) baixo o termino galego unha das acepcions que aparece é a de tonto e tamén a de tartamudo.
NON NOLO PODIAMOS CRER !!!! así que fomos ao dicionario e no punto 4 aparece dita acepción, volvémolo
a comprobar na páxina da real academia da lingua por se o noso dicionario non
fose versión actualizada, e ahi pódese
comprovar que ata no Artígo enmendado, no Avance da vixésima terceira edición (que ainda non saiu, mas podese ver na ligazón),
ainda se mantén:
gallego, ga. (Del lat. Gallaecus)
1. adj. Natural de Galicia. U. t. c.s.
2. adj. Perteneciente o relativo a esta
comunidad autónoma de España..
5. adj. C. Rica. tonto (? falto de
entendimiento o razón).
Aínda
por riba aparece resaltado a igual que no dicionario impreso no que aparece en
negrita.
No devandito programa o presidente da RAE non só foxiu literalmente cando o
xornalista intenta falar con el. Outros personaxes, por chamalos dalgún xeito,
din que “é unha acepción que se utiliza en Costa Rica. Consultada a embaixadora
de Costa Rica en España, esta afirma que non é certo.
O xornalista fai a comparativa con outras comunidades preguntandose que pasaría se utilizaramos acepcions peiorativas como sucede no caso do termino galego.
Picounos a curiosidade e consultamos catalán, atopandonos co seguinte:
1. adj. Natural de Cataluña. U. t. c.s.
2. adj. Perteneciente o relativo a este
antiguo principado, hoy comunidad autónoma de España.
Agora cabreamosnos mais, cando comparamos certos puntos:
2. adj. Perteneciente o relativo a este
antiguo principado, hoy comunidad autónoma de España.
2. adj. Perteneciente o relativo a esta
comunidad autónoma de España.
os cataláns pertencen a un antigo
principado, pero da Galiza que foi reino durante moitos séculos non se di nada
de nada, por que esta diferenza?
O
catalán é unha lingua romance vernácula que se fala en Cataluña e outros dominios e o galego a
lingua dos galegos.
A orixe do galego é descoñecida? non merece ser chamada romance?
O galego só se fala na Galiza? e que
hai do galego na Asturias Occidental ou nas provincias de León e Zamora? e o
galego de Extremadura? Ou é que como Galicia sempre estivo apartada no
noroeste, aínda a queremos apartar máis? Sen esquecer o galego da diáspora
(emigración e exilio) ou a evolución do galego dando orixe á lusofonía, unidade
linguística presente en todos os continentes.
Por suposto nada temos en contra dos cataláns, pero si contra o trato á
identidade galega no DICCIONARIO DE LA REAL ACADEMIA
ESPAÑOLA
Podedes ir
á páxina da RAE e comprobalo:
http://www.rae.es/
Quen queira mostrar a sua protesta á RAE pódeo facer AQUI
Os veciños de Nigrán sempre agradeceremos a nutrida participación dos de Cangas na nosa manifestación contra o PXOM. E mentras non acabamos de gañar todas a batallas, vamos rindo con este video, antes de contar como eles se organizaron para loitar contra a desfeita proxectada
A POSTURA DO FORO SOCIAL POLA DEFENSA DO POBO
O obxectivo deste foro social consiste na creación dunha Plataforma cidadá contra as agresións urbanísticas irreversibles prantexadas polo goberno municipal sobre a nosa vila; en concreto a Vía Rápida e o seu impacto visual, ecolóxico e social; o proxecto de urbanización de Massó por constituir un grave atentado ecolóxico e contra o noso patrimonio social, histórico e identitário, e o proxecto de urbanización de Aldán polo seu impacto social, ecolóxico e visual. As principais eivas deste modelo de urbanización, promovido polo goberno do Partido Popular e da Xunta se poden enumerar da seguinte maneira, e dunha maneira moi resumida: Non ten en conta mellora-la calidade de vida dos nosos veciños, en canto a que non respecta no máis mínimo a creación de espacios públicos e de disfrute colectivo, zonas verdes ou servizos mínimos que lle dean cabida á gran demanda que se vai a xerar despois da súa posta en marcha. Non conta co respaldo de informes serios de impacto ambiental; así por exemplo, no caso de Massó non están avaliadas as consecuencias que sobre as mareas e as praias vai a ter o recheo e dique para a creación do muelle deportivo; nen o impacto sobre a flora e fauna da zona; que consiste unha auténtica reserva; ou no caso das urbanizacións de Aldán; non ten en conta o impacto sobre os cauces naturais de auga ou se avalían as consecuencias derivadas dos verquidos das augas fecais xeneradas por un volumen tan alto de vivendas. Constitúen un grave atentado cultural e social; no caso de Massó porque toda a zona sobre a que se proxecta a aberración debería ser declarada Patrimonio Histórico e natural; no caso de Aldán porque significa a alteración total do perfil e características da parroquia.
Trata-se dun modelo urbanístico baseado na especulación inmobiliaria, na maior rendabilidade a corto prazo e na satisfacción e prioridade de intereses privados sobre colectivos.
Ante este modelo urbanístico que constitúe a desfeita total do noso pobo e a venta do mesmo “a cachos” propoñemos a todos os cidadáns e cidadás unirse ao FORO SOCIAL POLA DEFENSA DO POBO. Mais na páxina do FORO
Logo de que o maxisterio oaxaqueño da Sección 22 anunciase que seguiría en folga e boicotearía o proceso electoral, e no medio das tensas condicións sociais da entidade, o dia 14 de xunio nas primeiras horas da madrugada iniciouse un desaloxo violento do plantón maxisterial no Centro Histórico da cidade de Oaxaca.
Ante esta medida de carácter fascista do goberno estatal e federal solicitamos manterse atentos aos acontecementos pois se esperan accións que poden superar o sucedido en Atenco .
Juan Sosa Maldonado, da OPIZ informa que a resistencia mantense no Zócalo e rúas aledañas, fálase dun Estado de Guerra.
O lugar desde onde transmitía Radio Plantón foi destruído e un compa atópase desaparecido.
O gobernador Ulises Ruiz nega que os policías vaian armados cando polas estacións radiofónicas escóitase como os policías Ministeriales realizan disparos.
Actualización:
12:00 Os mestres e médicos da Cruz Vermella reportan:
12:00 Comunicado da Comisión Sexta sobre a represión en Oaxaca
Se reportan movilizaciones de tropas policiacas federales desde o sur do país cara a Oaxaca.
Actualización:
O dia 15 de xunio mestres, estudantes e organizacions sociais marchan e toman de novo o zócalo de Oaxaca.
Dia 16: Tregua e calma tensa, e durante os primeiros intentos de diálogo entre o sindicato maxisterial eo goberno estatal e federal, Ulises Ruiz se compromete a liberar 9 mestres detidos e cancelar 25 ordenes de aprehensión.
Ausencia de información precisa sobre supostos falecimentos e violacions de mulleres.
Mais en http://mexico.indymedia.org e http://chiapas.indymedia.org/ e Radio Universidade de Oaxaca
José Afonso foi ademais un home solidario, un loitador incansable pola liberdade e un exemplo de compromiso cos máis desfavorecidos, mantendo ó longo da súa vida unha traxectoria éticamente exemplar.
José Afonso foi ademais un gran amigo de Galicia. Viaxou ó noso país en numerosas ocasións cantando en diversas cidades, entre elas Santiago, mantendo contactos con intelectuais e artistas e exercendo unha importante influencia na música galega.
A súa presencia xenerosa en intres de enorme dificultade para o noso país foi unha lección de solidariedade que non podemos nin debemos esquecer.
Estes motivos abondarían para que José Afonso fora merecedor de respecto e admiración por parte de tódolos galegos. Pero José Afonso escolleu ademais a cidade de Santiago para interpretar por vez primeira en público con carácter de estrea mundial a súa canción “Grândola, vila morena”, no recital celebrado no Burgo das Nacións na tarde do 10 de maio de 1972. Esa canción converteríase, sen el sabelo nin pretendelo, dous anos máis tarde no sinal e símbolo da Revolución do 25 de abril, que derrubou á dictadura e devolveu a liberdade ó pobo portugués nun dos acontecementos máis fermosos da historia contemporánea.
A canción “Grândola, vila morena” e a figura de José Afonso representan pois os mellores anceios de liberdade, igualdade e fraternidade que aniñan nos corazóns de tódolos demócratas, sentimentos que temos a obriga de promover e defender.
Se pensas que o Zeca é merecedor de unha rúa en Comportela, non esquezas asinar aqui
Podedes escoitar algunhas das suas músicas na selección do 25 de Abril.
Onte baixei da Dorfunteca (grazas Dorfun) un video do tal suxeito falando galego, escarallante, que encontrei nunha historia do xornal non xerárquico chuza! . Pensei en subilo o YouTube, para poder velo aqui.... pero perdeuse nun burato negro. A censura do gringo no Imperio Grande. Vin mais tarde que na Dorfunteca tamén lle deixou de funcionar o PodPress, tampouco pode compartir o video. Non o podes crer? pos intenta facelo ti, e se o consegues deixame unha nota.
