Berners-Lee desafía a "estúpida" cultura geek masculina

Fonte: Barrapunto


O inventor da World Wide Web, Sir Tim Berners-Lee, pediu terminar de unha vez coa "estúpida" cultura geek masculina que desprecia o traballo de mulleres inxenieiras capacitadas, e fai que outras persoas refuguen  entrar na profesión. Slashdot tamén se fai eco das suas verbas.

Berners-Lee dixo que unha cultura que evitara marxinar as mulleres conseguiria atrair a máis programadoras, o que conduciria a unha maior harmonia no deseño dos sistemas. "Si houbera máis mulleres implicadas poderíamos movernos cara á interoperabilidade. Temos que cambiar en todos os niveis", segundo as suas palabras.

Dacordo con Berners-Lee, existe unha cultura na que as mulleres poden ser expulsadas da sua carreira laboral en tecnoloxía polo comportamento "estúpido" de alguns "geeks" masculinos, e polas reaccións de outras mulleres.

"E un problema complexo - vense prexuízos de unhas mulleres contra outras. Hai partes da cultura geek masculina e da cultura inxenieril que son estúpidas. Deberian darse conta de que poderían estar rexeitando a persoas que son máis intelixentes e mellores inxenieiras", afirmou Berners-Lee.

As institucions de investigación en inxeniería que fan a selección dos candidatos baseándose exclusivamente en cantas publicacions teñen realizado, corren o risco de agravar inda máis o problema, segundo Berners-Lee, debido a un sesgo aparentemente integrado no propio sistema contra as mulleres.

Una persoa do ámbito académico que pasóu por un cambio de sexo, tras enviar artígos baixo ambas identidades atopouse con que os artígos eran aceitados cando proviñan de un home, pero eran rexeitados cando os asinaba unha muller, dixo o inventor da web. Este prexuízo é inexplicábel, pero aumenta a tendéncia institucional, afirmou.