Ao final do franquismo, os traidores negociaron cos franquistas a permanencia do esencial do Réxime (o Borbón nomeado herdeiro por Franco, a permanencia nos seus postos de todos os esbirros do Réxime, a Lei de Punto Final, a Lei do Silencio e o Esquecemento, leis non escritas pero non por iso menos vixentes). Negociouse tamén o abandono dunha das reivindicacións mais queridas polos antifranquistas e todos os demócratas: a disolución dos Corpos Represivos do Franquismo. Aquelas augas trouxeron estes lodos. Os "cipayos" de sempre (estrictamente, soldados indios enrolados no exército inglés de ocupación; por extensión, os lacaios dun imperio, antes chamados vendepatrias) non puideron resistir a tentación de masacrar desde os seus vehiculos, con todo tipo de armamento, a miles de obreiros do metal, a xente que esperaba o autobús, ou a turistas do trasatlantico atracado en Vigo. Saldo: feridos, algúns graves... e detidos.
Abundante información sobre estes feitos en Vieiros, a CIG, Primeira Linha, CNT mentras que a CGT deu apenas noticias de axencia, e CCOO de Galicia ou UGT se teñen algunha información na web, a teñen tan agochada que eu non fun quen de atopala.
Nenhum comentário:
Postar um comentário